मीठो बोल सधैँ हाँस

मीठो बोल सधैँ हाँस , जिन्दगीमा रमाई बाँच
के छ र यो जोवनको भर , मरी के लानु पो छ र

फूलैफूल हो जिन्दगी हाम्रो काँडा बनाई बिउँझाउने नगर
हिलोमा नै फुल्छ कमल , दुखमा पनि हाँस्ने गर
लाग्छ घाउ मुटुभित्र , बल्झाइबल्झाइ दुखाउने नगर
दुखी सधैँ दुखी भइरहन्छ , खुसीले आनन्द पाइन्छ

मीठो बोल सधैँ हाँस , जिन्दगीमा रमाई बाँच
के छ र यो जोवनको भर , मरी के लानु पो छ र

झै झगडा अशान्तिले , जिन्दगी नै बोझिलो हुन्छ
आफू बाँच बाँच्न देऊ , यो नै ठूलो धर्म हुन्छ
आउँछ समय पर्खदैन , भोलिलाई सोच्ने गर
असल बन प्रिय बन , सबको यही कामना हुन्छ